|
Verkefnið Samræming mæliaðferða (vinnuumhverfi)
Áfangi 1 – Skipulagning
stóð yfir árin 2001/2002. Markmið verkefnisins var að semja sameiginlegt heildaryfirlit, sem væri nytsamlegt við að leggja grundvöllinn að hugsanlegri samræmingu og sameiginlegri þróun aðferða og tækja.
Niðurstaða
- Vinnuumhverfismælingar
Skráning á því, hvers konar vinnuumhverfismælingar mismunandi verksmiðjur sinna, og hvernig þær eru gerðar, átti sér stað.
Samanburður á því, með hvaða hætti vinnuumhverfismælingarnar voru gerðar, fór innig fram. Varðandi mælingar á beinu áreiti ryks og lofttegunda (lang-og skammtímamælingar) var komizt að því, að þær eru framkvæmdar með þeim hætti, að þær eru samanburðarhæfar og þess vegna er samræming þeirra ekki nauðsynleg.
- Þróun tækja
Lögð var vinna í að komast að því, hvort til væru mælitæki fyrir beina skráningu, sem gætu flýtt fyrir mælingunum. Nokkur slík tæki eru á markaðinum, en þau henta ekki til að leysa af hólmi tæki til venjulegra mælinga á beinu áreiti ryks og lofttegunda.
- Að spanna ytra umhverfið
Með verkefninu var einnig komizt að þeirri niðurstöðu, að með sama hætti væri þörf á að fara í skráningu og samanburð á ytri umhverfismælingum. Einnig á þessu sviði eru til tæki til samfelldra mælinga, sem nýta má til að flýta fyrir og bæta mælingarnar.
o0o
Verkefnið Samræming mæliaðferða (ytra umhverfi)
hófst 1. maí 2002 og mun ljúka 1. janúar 2010.
Þátttökufyrirtæki:
- Alcan á Íslandi
- Alcoa Fjarðaál (síðan 1. januar 2008)
- Alcoa Mosjøen
- Hydro Aluminium
- Kubikenborg Aluminium
- Norðurál (til 31. desember 2007)
- Sør-Norge Aluminium
- Vigeland Metal Refinery
Grunnur
Samtímis skráningu mæliaðferða fyrir vinnuumhverfi var gerður grófur samanburður á losun út í ytra umhverfið. Þá var komizt að því, að þörf er á skráningu og samræmingu á þessu sviði. Að auki eru komin til skjalanna nútímaleg mælitæki, sem vakta stöðugt losunina frá kerskálunum. Skýrslugerð á grundvelli þessara mælinga ætti einnig að samræma.
Markmið
Hlutverkefni 1
- Samanburður losunarmælinga út í loft og vatn.
Unnt er að miða við vinnuna, sem búið er að leggja í við Hydro Aluminium og fella hinar AMS verksmiðjurnar inn í þennan ramma.
- Mismunandi mælitæki eru fáanleg á markaðinum.
Finna út, hvers konar mælitæki hægt er að taka í notkun til vöktunar á losun.
Hlutverkefni 2
- Samræming mælinga ytra umhverfis, ef þörf er á.
- Hvernig á að breyta úr handvirkum í sjálfvirkar mælingar ?
- Hvernig á skýrslugerð á grundvelli mælinga að vera ?
Þetta felur í sér samræmingu vinnulags við kvörðun, viðmiðunarmælingar, ákvörðun leyfilegra vikmarka og þar fram eftir götunum.
Hlutverkefni 3
Ljósrænar mæliaðferðir fyrir losun út í andrúmsloftið frá álverum:
- Deila með sér reynslu af mælitækjum fyrir losun út í andrúmsloft og vatn. Aðaláherzlan verður lögð á ljósrænar mæliaðferðir fyrir losun á afgasi og ryki úr afsogi og mælingar í hreinsuðu og óhreinsuðu ofn-eða kerafsogi.
- Kynna sér stöðu mála varðandi ljósrænar rauntímamælingar á styrk gastegunda og ryks í lofti og skráningaraðferðir við mælingu loftflæðis.
- Einfalda og bæta vöktun og grundvöll skýrslugjafar til yfirvaldanna.
|
Leiðarvísir um leysimælingu losunar út í andrúmslofið frá álverum hefur verið saminn á norsku og er unnt aðsækja hingað.
|
|
Hlutverkefni 4
Ný tækni við mælingu á magni losunarlofts frá kerskálum
Að koma með ráðleggingar um nýja tækni við mælingar á magni losunarlofts frá kerskálum.
Hlutverkefni 5
Tölfræðilegar aðferðir við útreikninga á losun. Forverkefni
- Hæfnimyndun
- Þarfagreining og áætlun um framhald
Hlutaverkefni 6
Losun út í andrúmsloft frá álverum-mæling styrks í lofti og óvissuútreikningar (framhald hlutaverka 4 og 5).
Frumtilraunir munu fara fram við 3 álver með náttúrulegri loftræstingu. Gögn verða sótt til þessara álvera með mælingum auk eigin mælinga á styrk í lofti verksmiðjanna og greiningu á mengunarþáttum. Þessi gögn verða nýtt í tölfræðilegri greiningu og óvissuútreikningum.
Hlutaverkefni 7 – Losun lofttegunda frá kerskálum – prófun og framkvæmd nýrra mælingaraðferða (framhald hlutaverkefni 6).
Á grundvelli frumtilraunanna í hlutaverefni 6 er útbúin ráðlegging um einfaldaðar aðferðir til mælinga á losun út í andrúmsloftið frá óvélknúinni loftræstingu (með hitauppdrifi) kerskála. Einfaldaðar mæliaðferðir eru fyrirhafnarminni en núverandi aðferðir.
|
