|
Verkefnið Umferðarhegðun hófst 1. maí 2008 og því lauk 1. maí 2011. Þátttökufyrirtæki:
- Alcan á Íslandi
- Alcoa Fjarðaál
- Alcoa Lista
- Hydro Aluminium
- Kubikenborg Aluminium
- Sør-Norge Aluminium
- Vigeland Metal Refinery
Bakgrunnur
Óskað hefur verið eftir að halda áfram aðgerðum frá verkefninu Vinnuvélar og öryggi, þar sem áfram eru fyrir hendi viðfangsefni fólgin í að hindra slys á fólki og tjón á búnaði af völdum ökumanna. Áfram er unnið með hegðun ökumanna og fótgangandi í heildarmynd umferðarmenningar á lóð álveranna. Frá 2011 var óskin sú að beina athyglinni að framkvæmdastjórn og leiðtogum ásamt notkun viðmiðana og reglna, sem einstakar verksmiðjur setja að meðtöldum samanburði á bezta verklagi. Stofnað hefur verið til nýs verkefnis: Framferði og verklag við framfylgd umferðarreglna.
Meginmarkmið
Kerfisbundin vinna og áherzla á að breyta atferli og að hindra umferðarslys.
Undirmarkmið:
- Sýna framkvæmd staðla og reglna og bera saman við hið bezta á því sviði (frá 2011).
- Allir starfsmenn hverrar verksmiðju skulu koma að gerð kennslukvikmyndar.
- 20 % árleg framför í ástandi fartækja. Skoðunarmenn kynna skýrslu undangengins árs á undirbúningsfundum og upplýsa um væntanlegar framfarir.
Framkvæmd
Tækjaskoðanir
Árlegar eins dags vinnuvélaskoðanir fara fram með áherzlu á framkvæmd staðla og reglna:
- Skoðunin á að gefa svar við, hvaða ábyrgðartilfinningu millistjórnendur og vaktverkstjórar sýna fyrir sínum ábyrgðarsviðum.
- Þróun ástands vinnuvéla hjá aðildarfyrirtækjunum verður yfirfarin.
- Fylgzt verður með aksturslagi og aðgreiningu akandi og gangandi umferðar.
- Samanburður við ”beztu aðferðarfræði” fer fram.
Myndband
360° myndband er framleitt til nota við kennsluna og til að breyta atferlinu. Upptökuvél á að nota gagnkvæmt og vera stjórnað úr ökumannssæti, og myndbandið á að sýna mismunandi vandamál. Það munu verða nokkrar lausnir á sama vandamáli, og mismunandi svör verða gefin háð þeirri lausn, sem fyrir valinu verður.
Staðan 23. maí 2011
Árleg AMS-skoðun
2010 Fór fram
Aðalatriði skýrslu og ályktun
Skoðunarmenn segja frá góðum móttökum. Venjulega sýnir framkvæmdastjórnin áhuga og skilning á nauðsyn lærdóms til stöðugra umbóta. Jafnmikilvæg er þekking og dugnaður skoðunarmanna. Ekki aðeins á þetta við um öryggisstaðla og atferlisvanda, heldur einnig tækniþekkingu og reynslu í viðhaldi vélbúnaðar.
Það er ógjörningur að fullyrða um, hvort undirmarkmiðið um, að allir hafi kynnt sér innihald kennslumyndarinnar hafi náðst eður ei. Aðeins eitt skoðunarteymi virðist hafa lagt sérstaka áherzlu á þetta. Athygli allra skoðunarmanna virðist greinilega ekki hafa verið beint nægilega að þessu atriði. Verkefnisstjórinn tekur ábyrgð á þessu og verður að fullvissa sig um, að úr þessu verði bætt á næsta ári.
Hinu metnaðarfulla markmiði um 20 % betra ástand vinnuvéla var ekki náð fremur en áður. Hins vegar eru framfarirnar í flestum tilvikum umtalsverðar.
Eitt er að setja viðmið eða reglur og skapa gott tæknilegt umhverfi. Annað er að sannfæra sig um, að eftir þessu sé farið. Þetta er stjórnunarviðfangsefni, sem útheimtir stjórnun á öllum sviðum. Þess vegna legg ég til, að eitt af undirmarkmiðum skoðana næsta árs verði að ganga úr skugga um, hvernig viðmiðanir og reglur hverrar verksmiðju eru framkvæmdar af framkvæmdastjórn og millistjórnendum. Þetta mun enn frekar styðja við aðalmarkmið skoðanananna um bætt atferli og að hindra umferðarslys.
Skýrsla í fullri lengd er á norsku/engsku. Hana má sækja til norsku vefútgáfunnar.
2009 Fór fram
Aðalatriði skýrslu og ályktun
Skoðun á tæknilegu ástandi vinnuvéla fór fram í öllum aðildarfyrirtækjum verkefnisins. Skoðunin felur jafnframt í sér athugun á atferli og mat á umbúnaði akandi og gangandi umferðar.
Alls voru 127 vinnuvélar skoðaðar.
Skoðunarmenn hafa hlotið góðar móttökur. Fyrirtækin hafa tekið þátt og sýnt skoðununum mikinn áhuga. Niðurstöðurnar sýna, að enn er spottakorn í markið varðandi meðferð og viðhald vinnuvéla. Við eigum að geta farið leiðar okkar innan girðingar með öruggum hætti. Við næstu AMS-skoðun mun koma í ljós, hvort framfarir verða og áhættan minnki. Slíkt varð því miður ekki í ár.
Að lokum fer ég fram á, að festing byrðar á vinnuvélum okkar verði áherzluatriði. Hér er enn langt í land. Afleiðingar þess, að byrði falli af og á gangandi mann, þekkjum við. Þetta verðum við að forðast.
Í verkefnisskýrslu er lagt til, að fram fari öryggisvinnugreining og að samdar verði verklagsreglur/leiðbeiningar/vinnu-fyrirmæli fyrir þessar aðgerðir.
Skýrslu í fullri lengd (á norsku) er hægt að fá með því að hafa samband við elly@ams-aluminium.no.
2008 Fór fram.
Aðalatriði skýrslu og ályktun
Skoðun tæknilegs ástands fartækja hefur farið fram í öllum aðildarverksmiðjunum, sem þátt taka í verkefninu. Innifalið er að fylgjast með atferli og mat á aðbúnaði gangandi og akandi fólks.
Alls voru 145 fartæki skoðuð.
Skoðunarmönnum hefur verið vel tekið. Að hálfu verksmiðjanna hafa menn mætt undirbúnir og sýnt mikinn áhuga. Niðurstaðan sýnir, að enn er spottakorn að markinu. Vi eigum að geta komizt leiðar okkar með öruggum hætti innan ”girðingar”. Það mun koma í ljós við næstu AMS-skoðun, hvort framfarir hafa orðið og dregið hafi úr áhættu.
Að lokum fer ég fram á það, að festing byrðar á vinnuvélum okkar verði áherzluatriði. Þar er margt ógert. Afleiðingar þess, að byrði falli af og lendi á fótgangandi eru kunnar. Það ber okkur að forðast.
Skýrslu í fullri lengd (á norsku) er hægt að fá með því að hafa samband við elly@ams-aluminium.no.
Myndband:
Þitt val ! Vinnudagur upp á líf og dauða
Norska, íslenzka, sænska og enska
Kvikmyndin fjallar um umferðaröryggi og er reist á endurteknum atburðum á verksmiðjulóðum tengdum AMS.
Hluti 1 sýnir sviðsetningu raunverulegra atburða.
Hluti 2 sýnir vafasamt og öruggt vinnulag.
Í kvikmyndinni eru tónlist, myndir og hugsanir, sem eiga að koma áhorfandanum í tilfinningalegt hugarástand. Atvikin í myndinni sýna, hvers vegna er mikilvægt að hafa öryggið jafnan hugfast. Markmiðið er að forðast meiðsli á sjálfum sér og vinnufélögum. Með kvikmyndinni fræðist áhorfandinn um handhægar minnisreglur, sem eiga að skapa öruggan og góðan stjórnanda fartækja. Kvikmyndina og leiðbeiningarnar skal nota við kennsluna með spurningum og samræðum. Mikilvægt er að kynna sér leiðarvísinn áður en kennslan hefst. Leiðarvísisbæklinginn má sækja á þennan tengil hér. Veljið þar næst frá forsíðunni tungumálið, sem þið kjósið.
Myndin er aðgengileg ókeypis á norsku, íslenzku, sænsku og ensku í verksmiðjunum, sem fjármögnuðu gerðina. Hún er til á stafrænum disklingi og hægt er að sækja hana á veraldarvefinn. Vefútgáfan útheimtir lykilorð. Diskling eða vefútgáfu er unnt að panta hjá elly@ams-aluminium.no.
|
