Aluminiumindustriens
Miljøsekretariat

Pilestredet Park 31
Postboks 2894  Solli
NO-0230  Oslo, Norway
Tel.  +47  23 32 60 90
Fax  +47  23 32 60 99
Mob  +47  951 44 394
e-mail  elly@ams-aluminium.no 
 

Verkefnið hófst í janúar 1998 og því lauk 31. desember 2000.
Eftirfarandi fyrirtæki hafa tekið þátt í verkefninu:

Elkem Aluminium Mosjøen
Elkem Aluminium Lista
Kubikenborg Aluminium AB
Íslenska álfélagið hf.
Hydro Aluminium Høyanger
Hydro Aluminium Karmøy
Hydro Aluminium Sunndal
Hydro Aluminium Årdal Metallverk
Hydro Aluminium Årdal Carbon

Þar að auki hefur "Norsk Kjemisk Industriarbeiderforbund" (Samtök starfsmanna í norskum efnaiðnaði) látið fé af hendi rakna til  stuðnings verkefninu.

Grunnhugmyndin að verkefninu var að virkja þá krafta og þekkingu, sem í aðalöryggistrúnaðarmönnum (AÖT)) og öryggistrúnaðarmönnum  (ÖT) búa í hverri verksmiðju.

AÖT hafa verið verkumsjónarmenn í sinni verksmiðju á tímabilinu.  Tilvitnun í samantekt frá verksmiðju Elkems á Lista lýsir vel hugmyndinni að baki verkefninu:

"Ég hef ætíð verið þeirrar skoðunar, að verkefnisformið henti vinnu að öryggismálum snilldarlega vel.  Hugmyndin að virkja öryggistrúnaðarmennina og fólk "á gólfinu" til að koma sjálft fram með endurbótakraftinn er kjarninn í starfinu.  Að fá tækifæri til að taka þátt í "að skapa" endurbætur er hvetjandi og veitir einstæð tengsl við vandamál, sem hingað til hafa verið efni "vísifingurspredikana"  stjórnenda niður á við í pýramídann.  Ég vona, að þetta sé ekki í síðasta sinn, sem ég upplifi þennan áhuga og ákafa til hlutdeildar í framkvæmd, en sjá þarf til, að aðstæður og forsendur verði fyrir hendi til  að slík sköpunargleði losni úr læðingi."

Samin var VUH (verkefnisupplýsingahandbók) sem viðmiðunarskjal verkefnisins.  Á verkefnistímanum voru haldnir kerfisbundnir verkfundir á einstökum vinnustöðum og sameiginlega.  Á dagskrá fundanna hafa verið:

Hugmyndir, verkáætlanir, framkvæmdir og skilagrein.

Í upphafi verkefnisins voru skráðir allmargir árangursþættir, sem síðan hafa verið ákveðin leiðisnúra á vegferðinni:

Láta í ljósi skoðanir
forsendur – reynsla
Reglur/verklagsreglur
jarðtenging
Stjórnun,
kraftmikil – sterk – sýnileg – trúverðug
Kennsla
öllum til handa
Endurskoðun samkvæmt SHMS-staðli
ytri – innri
Einbeiting að smáatriðum
Skapa aukið traust
Áhættugreiningar
Veita hér um bil slysum aukna athygli

Með árangursþættina að leiðarljósi hafa margar aðgerðir á vinnustöðunum séð dagsins ljós.  Sameiginlega voru teknar myndir á tvö myndbönd, sem öllum starfsmönnum var gefinn kostur á að skoða.  Heiti:

Hver stöðvar þig
Þú mátt aldrei gleyma.....

Fyrir AMS í heild hafa aðgerðirnar stuðlað að jákvæðri þróun ástands.

Niðurstöður - H₁–gildið (slys með fjarveru á hverja milljón vinnutíma) var við upphaf verkefnisins árið 1998 11,6 .  Samkvæmt skýrslum í janúar 2001 kemur í ljós, að gildið þá var komið niður í 2,6.

Fjarverudagar samkvæmt ársskýrslu í desember 1997 voru 1742.  Fjarverudagar samkvæmt ársskýrslu ársins 2000  voru 522.  Fjarvistardögum hafði þannig fækkað á þremur árum um 1220 eða 70 % á verkefnistímabilinu.

Fjöldi slysa, sem leiddu til fjarveru frá vinnu, var í byrjun (1998) 119.  Árið 2000 voru skráð fjarveruslys 45.  Janúartölur sýndu, að 9 af 11 aðildarfyrirtækjum voru án slíkra slysa þá.

Ef borið er saman tímabilið 1995-1997 við tímabilið 1998-2000, kemur í ljós, að verkefnið hefur haft í  för með sér sparnað að upphæð NOK 4,9 milljónir (um ISK 50 milljónir).

Reynslan leiðir í ljós, að erfiðleikum getur verið bundið að halda "dampi" í svo langan tíma sem 3 ár eru.  Varðandi ný verkefni af sama tagi mundi vera ráðlegt að miða við styttri verkefnistíma.

Ávinningurinn, sem gat verið fólginn í að nýta sér reynslu annarra og að bera saman fyrirtækin, sem þátt tóku, hefði getað orðið meiri.

Tenglanetið, sem þróaðist vegna verkefnisins, hefur verið – og mun verða – til ómetanlegs gagns í starfinu, sem framundan er.

Starf framundan - Mánaðarskýrslur um slys með fjarveru verða áfram gefnar út.